Situación
Taloaska jatetxearen proiektua eta eraberritzea egin dut, Deustuko “Milaka Mundutako Taberna” berrirako. Helburua dekorazioaren eta kulturaren mundua nolabait uztartzea, deustuar guztientzat hurbila eta irekia den taberna sortzea.
Horretarako, bi arlo hartu ditugu kontuan. Bata, distribuzioaren arlo funtzionala eta, bestea, dekorazioarena. Funtzionala, aurreko jabeen jarduera lizentziak baldintzatu du. Gauzak horrela, barraren aurreko eta atzeko muturra murriztu dugu, eta bi gune sortu (mahai baxuak eta mahai altuak) jendea jesartzeko. Jantokia ere murriztu dugu, trenkadak desmuntatu eta biltoki berri bat egin. Barraren atzeko aldean upelen zentralizazioa egin dugu instalazio berriak dituena. Area pribatuetan, zaharkitutako instalazioak baino ez ditugu berritu (airea girotzeko sistema, estrakzioa, elektrikoak, etab.)
Dekorazioaren arloa dela eta, zenbait giro sortu dugu: aurrealdean, gardenkiak eta gure pertsonaiak dituen konposizio metalikoa; liburutegian, tabernako aulki altuetarako gunea; Deustua muralean, Emakumearen aurreskua; Athletic “gogoaren indarra” murala; argazki erakusketa (Deustuko argazkien 1. lehiaketa); barran, Deustuko pertsonaien irudiak, zeinetan urdin “Bilbao” eta zuri hautsia koloreak erabili baitira; Delicatessen-a (mahai altuak); komunen gunean, Tabernako pertsonaiak eta Deustukoak; jantokian, hizkuntzen muralak, munduenak, Deustuarenak eta Athleticenak.
Gaineratu behar dut lokalean argi bizia jarri dugula – Milaka Mundutako tabernenetan ohikoa den planteamenduarekin – eta lan guztiak ohiko taldeak egin dituela, era bikainean eta hilabete bat eta zazpi egun soilik erabiliz.
Lan Taldea
Infografia, eraispenak, igeltserotza, iturgintza, aire-girotze, klimatizazioa, elektrizitatea, zurgintza, audiobisualak, metalgintza, pintagintza, arte ederrak, errotuluak, toldoak. Kristalgintza. Estaldurak. Argigintza.
